దూరం - బంధం

సముద్రాలు దాటినా చెరగనిది అమ్మ జ్ఞాపకం,

ఖండాలు మారినా మరువనిది దేశపు వ్యాపకం.

అమ్మ పంపిన దీవెనలు వెన్నెలై వస్తుంటాయి,

నా నేల పంపిన గాలులు నన్ను తొలకరై పలకరిస్తుంటాయి.

కడుపున పుట్టిన బిడ్డను ఎప్పుడూ మరువదు అమ్మ,

తన మట్టిలో పుట్టిన వాడిని ఎన్నడూ వదలదు ఈ నేలమ్మ.

ఎక్కడున్నా నా మూలాలు ఆ రెండే,

నా ఊపిరి ఆగేదాక నా ప్రాణాలు ఆ రెండే.

అమ్మంటే ఒక స్వచ్ఛమైన అనురాగం,

మాతృభూమి అంటే ఒక సువిశాలమైన ఆకాశం.

ఒకరు నన్ను మనిషిగా నిలబెట్టారు,

మరొకరు నా అస్తిత్వాన్ని ప్రపంచానికి చాటారు.

జన్మనిచ్చిన అమ్మకు, బతుకునిచ్చిన దేశానికి,

నా జీవితం అంకితం ఈ ఇద్దరి చరణాలకి.